मुंबई : पालघर लोकसभा मतदारसंघात भारतीय जनता पक्षाचे उमेदवार राजेंद्र गावित यांना बारा बलुतेदार महासंघातर्फे पाठिंबा देण्यात येत आहे, असे महासंघाचे अध्यक्ष नागेश दत्तात्रेय जाधव यांनी गुरुवारी (ता. २४) जाहीर केले.
नागेश जाधव यांनी भाजप प्रदेशाध्यक्ष खासदार रावसाहेब पाटील-दानवे यांना पाठवलेल्या पत्रात म्हटले आहे की, ‘पंतप्रधान नरेंद्र मोदी यांच्या कार्यपद्धतीने प्रभावित होऊन बारा बलुतेदार समाजातील न्हावी, धोबी, कुंभार, सोनार, बेलदार, लोहार, सुतार, भोई, वडारी आदी अठरापगड जाती गुरुवारी भाजप उमेदवार राजेंद्र गावीत यांना पाठिंबा जाहीर करत आहोत.’